衝出亞洲！張文慈進軍荷里活拍戲

藝人張文慈（Pinky）近日遠赴美國拍攝微電影《囧到洛杉磯》。今次她有機會寓工作於娛樂，加上當地天朗氣清，令靚女心情特別靚，且笑謂：「真係獻出咗好多個第一次呀，好似我第一次拍喜劇啦，而我第一日開工，就發現製作模式同香港好唔同，台前幕後有韓國人、墨西哥人等，十足聯合國一樣，之後我哋仲會去長灘取景，又會喺著名嘅荷里活橫匾下開工，名副其實嘅『進軍荷里活』呀。」