為貓咪誕寶寶報喜　Baby遭網民催生B

女星Angelababy與內地「億萬小生」黃曉明去年拉埋天窗，成為幸福人妻。不過每次被問生B計畫時，兩人都會笑笑口咁話「未係時候」。

直到今日，Baby終於宣布喜訊！！！佢仲喺微博到話「生了生了！」咪住先，從來未聽過Baby懷孕，依家突然話「生咗」？！睇埋下一句，Baby原來話屋企隻貓終於生咗：「生了生了，我家網紅終於生了，生了一窩叫清明節，太不容易了，媽媽真偉大！」佢甫咗張貓咪相，又抱起兩隻貓BB，表情充滿母愛。

不過，一班網民睇完Baby呢個貼文即刻起哄，個個都話以為係佢生得，仲留言催佢快啲生：「甚麼時候生個黃寶寶？」「那麼你甚麼時候生！！！」