陳凱琳否認工作態度差:報道唔真實

20160404
東網電視
更多新聞短片
陳凱琳話冇因為同鄭嘉穎拍拖而態度變差。
藝員陳凱琳到銅鑼灣街頭為劇集《殭》宣傳,陳凱琳以密實蝙蝠造型示人,被騷美腿的劉佩玥與陳嘉寶夾擊。
鄭嘉穎冇影
問到陳凱琳其男友鄭嘉穎為甚麼不來宣傳?她說:「公司安排,佢遲啲會同謝安琪一齊宣傳。(今日打扮咁密實?)件衫公司安排,今日自己覺得造型好似小蝙蝠,大家都唔敢行近,驚畀我對翼拮親。」
「唔想因為我哋嘅關係去畀人攻擊」
講到有報道指陳凱琳與鄭嘉穎拍拖後工作態度差?她說:「睇到報道有啲唔開心,不過最緊要身邊朋友知道我嘅為人,希望大家睇完覺得啖笑,自己亦唔知道點解會有咁嘅新聞出嚟,父母都有安慰我。(男朋友有冇安慰你?)有,佢話大家都知你唔係咁嘅人,唔使介意人哋嘅睇法。(工作態度有冇改變?)我自己好重視時間觀念,幾乎唔會遲到,因為覺得呢一個係尊重,所以報道話我遲到,個報道好唔真實。(做鄭嘉穎女友壓力大?)唔係壓力,唔想因為我哋嘅關係去畀人攻擊,我哋都係正常人拍拖好正常,希望唔好講到好似針對我哋嘅關係咁。」
最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。預知未來,相信好多人都希望做到,《東網巨星》APP其中一個重點節目《玄學星相》,除咗教識大家點樣催吉避凶,仲會以玄學角度,幫大家八盡每周娛樂熱話㗎!
最強娛樂APP「東網巨星」下載連結: