被指殭屍先驅　尹天照謙爆：林正英先係

久未露面的藝人尹天照，出席電影《天堂奇癒記》慈善首映，他透露一直在香港，只是沒有於幕前演出，笑指香港製作單位大多找他拍鬼片，單是今年已推掉了三個劇本，惟已信主的他不欲接拍有關題材，幸好也有登台幫補收入。

對於亞視日前熄機，曾效力亞視的他表示也有見證歷史時刻，他謂：「久病床前無孝子，都病咗咁耐，由初頭擔心去到結果淡咗，與其真係唔做，倒不如放條生路畀人出去搵食，對任何人都係好事。（仲有員工未出晒糧？）希望出番畀人啦，咁多錢出去玩，不如畀番啲錢人，世界上冇樣嘢係長存，生命同事物都會有終結，睇吓幾時。」

呻拍電視辛苦

尹天照不諱言亞視處理手法不當，又指眼見不少前輩均忍不住粗口大罵，自言今時今日信主不會說粗口，更謂：「祝佢好運。（有冇香港其他電視台搵你？）暫時未出嚟拍嘢住，咁我都有登台養活，希望出年再拍，內地都有傾啲寫實嘢。拍就想拍電影，拍電視辛苦！」

談到無綫近期拍攝殭屍題材的劇集《殭》，曾拍攝亞視劇集《我和殭屍有個約會》的他，透露有看過該劇宣傳片，對於被指為拍殭屍題材先驅，尹天照謂：「林正英先係，人哋拍咩我冇權過問，當年林正英拍殭屍街知巷聞。」