朱千雪否認不受重用先讀書：工作冇停過

港姐朱千雪出席活動時，提到有傳她因不受無綫重用，才決定讀碩士。她否認此事，並指自己早已有讀書計劃，已一早向公司請假，由去年九月放至今年七月。問她完成課程後，會否回歸無綫？她說：「會，同公司仲有幾年約。我七月先再開工，依家主要宣傳劇集同接廣告。（之後有咩工作安排？）過咗七月先算，可能有劇。（怕唔怕放假期間畀人爬頭？）我放假之前拍咗四套劇，仲未播，嚟緊暑假會播《流氓皇帝》，其實呢段時間喺電視見到我仲多。（覺唔覺得公司偏心陳凱琳同蔡思貝？）冇，我哋三個嘅工作都一路冇停過，公司對我哋好好。」