唐詩詠一早知敖嘉年秘婚:好保護另一半

20160406
東網電視
更多新聞短片
唐詩詠表示一早知敖嘉年秘婚,仲話依家可以大大聲恭喜對方。
藝員敖嘉年與圈外女友秘婚,曾與他合作《大藥坊》的唐詩詠接受《東網》訪問,坦言「一早都知」,更笑言:「又結呀?你依家話我知,終於可以大大聲恭喜佢!」詩詠表示與嘉年份屬好友:「我同嘉年私下都有食飯,但佢從來唔講私人嘢,知佢女友係圈外人,好保護另一半。依家終於可以見到佢女友個樣,唔使憑空想像!(估到嘉年會秘婚?)始終佢哋另一半唔係圈中人,都應該保護,仲要保護埋屋企人,呢個方法好好。(自己會考慮秘婚?)自己未諗到咁遠。」嘉年的另一位圈中好友梁靖琪得知其婚訊,亦送上祝福說:「戥佢哋開心,拍咗咁多年拖,都祝福佢年生貴子,開開心心!」
楊怡祝年生貴子
而與嘉年合作《末代御醫》、早前同樣與男友羅仲謙「秘婚」的楊怡,得釋其婚訊後笑說:「未聽過嘉年結婚,佢都好秘密,祝佢白頭到老,永結同心,年生貴子。」林夏薇曾與嘉年合作《寒山潛龍》,她笑說:「拍戲時感覺佢好顧家,知道佢有位圈外女友,祝福佢呀,恭喜!」