同超雲仲係朋友　陳山聰認同女友已同居

藝人陳山聰、岑麗香及陶大宇等，於電視城錄影無綫節目《男人食堂》。當中日前爆出戀情的山聰於受訪時大方接受記者的祝賀，又言想保護圈外女友Apple。他說：「多謝，好想保護身邊家人同朋友。希望各位高抬貴手，追訪番我，佢係個普通女仔。（驚嚇親女友？）驚呀，畀啲空間我哋。」他又直認與女友已見家長及同居：「見過家長，我媽咪知戀情曝光就好開心。（同居？）可以咁講。（有結婚打算？）希望共同生活。」

談到山聰今次拍拖跟上次與何超雲拍拖作比較，會否壓力較少？他直言不希望拿過去作比較。提及何猷啟出席活動時指超雲因被指翻撻而不開心，山聰就說：「我唔係當事人，唔回應，自己重新出發，積極生活。（拍拖同超雲講聲？）已經過咗去，唔回應，唔希望影響其他人。（你哋仲係朋友？）雖然係，但希望低調。」