準人妻熊黛林　毋懼痘痘孖潤腸

名模熊黛林（Lynn）早前出席活動時唔覺意晒咗一吓鑽戒，之後接受《東網》記者訪問時大方承認男友郭可頌求婚成功，真係恭喜晒Lynn！唔知係咪幸福嘅女人心情都特別靚，連生青春痘心情都冇受影響！啱啱佢就喺微博上載咗張素顏嘅大頭照仲留言：「吃了一個超辣的面（麵），雙唇立刻變得如此性感，再配上顆超級無敵青春痘，簡直無敵了！好吧！明天就這麼頂着顆大痘進叢林了！」網民見到就留言話：「根本就是在曬（晒）皮膚好吧？皮膚都好到反光了！」