陳豪輪住畀靚女勾引:點解要咁搞我!
藝人在將軍澳電視廣播城出席無綫新劇《來自喵喵星的妳》拜神儀式。
化身科學家
一身愛因斯坦Look的他就科學家味甚濃,問頭上是否假髮,他即笑謂:「Of course!」又指對白中有大量科學名詞,須花時間理解,亦令他勾起腦海中讀書時學過的公式。已開工個半月的他就表示拍攝進度良好,預計五月中拍攝完畢:「成個(《鬼同你OT》)嘅Chemistry(化學作用)都Maintain(保持)到!」
期待仔仔快啲長大
陳豪又笑指劇中有很多女演員立心勾引他:「唔知點解要咁搞我!(艷福無邊?)係將引誘變成搞笑位。(親熱戲?)唔會啦,應該唔會咁對我。」他亦透露會和劇中老婆胡定欣有一個七歲女兒,現實中有兩歲和一歲仔仔的他就期待到七歲:「可以同佢哋有精神溝通,可以解釋下人生同世界。」
談到ViuTV開台,他就指作為觀眾會幸福,因為更多選擇,而無綫則要更加繼續努力,問劇接劇的他會否被Chur盡,他即笑謂:「都係咁!」