陳凱琳睇Kay嘉穎「發展」唔尷尬

前港姐冠軍陳凱琳（Grace）偕男友鄭嘉穎一同出席二人有份主演的無綫新劇《殭》於尖沙咀舉辦的首播飯局，雖然嘉穎稱不希望將焦點放在兩人戀情女之上，而抹煞其他台前幕後的演員！Grace亦有單獨受訪，惟她在嘉穎受訪時亦有亮相晒恩愛，甜蜜程度未被掩蓋！

劇中單戀鄭中穎

Grace坦謂未有於首集登場，故今晚未感壓力，但對劇集的製作卻讚不絕口，說：「我覺得睇兩次、三次、四次都係精采！（你同嘉穎有感情線？）我係單方面鍾意佢嘅，一廂情願，係有少少淒美。（睇嘉穎同謝安琪嘅感情戲會尷尬？）唔會！咁都係拍戲啫！」

提到新台ViuTV同時熱播韓劇《太陽的後裔》，問她可怕收視被搶？Grace對此並不認同：「有啲人鍾意韓風，亦有人會覺得《殭》題材特別係近年少有，就算係睇完佢哋再上myTV睇番我哋都無所謂嘅，變相多啲元素我覺得仲好。（自己有睇對方節目？）有呀！我有睇佢哋播七人欖球，有留意佢哋個台。（對方自家製節目？）暫時未有機會，但我都聽到佢哋有個節目係啲女仔打格鬥，我都想睇吓係咩嚟。」

爸爸做超級觀眾：已經無敵

而Grace又笑言爸爸已準備將《殭》的每一集錄影下來，問她爸爸是否要留意未來女婿鄭嘉穎？她笑言：「我諗唔係呢個原因，一嚟我Daddy本身鍾意追劇集，依家重播梁朝偉《鹿鼎記》，佢本身有都會再睇，有佢支持已經係無敵。」

不過提到Grace早前在另一套無綫劇《張保仔》中的演技被批評，她直認最初都有影響到自己看新劇：「最緊要知道自己盡咗全力，我爸爸媽媽都知道我背後好畀心機去做，當佢哋聽到有啲唔好嘅評語都話冇辦法，因為我新，知道下套劇要更加進步，好正面。」