馬國明恨同阿佘拍親熱戲：爭取緊

藝人馬國明現身劇集《廉政行動2016》首播禮，透露忙於深圳拍攝王晶新劇《賭城群英會》，由於要兩個多月完成35集戲份，再加上拍攝地點車程需一個多小時，故眾演員每日晨早起床，至晚上近午夜才返酒店休息，笑言此行未有想像中舒適。

仍未同四哥做對手戲

劇中將與謝賢（四哥）有對手戲的他，表示四哥雖然已入劇組，但尚未與對方一起開工，現時只集中拍攝他與佘詩曼、以及與黃浩然、何浩文跟陳百祥學習賭術的戲份，更謂：「同阿佘係有感情戲，我爭取緊多啲，不過視后太厲害，之前合作過兩次，但愛情線太短，依家拍到我開始對佢有感覺，親熱戲未拍，都未出晒劇本。（同阿佘傾掂數未？）佢好專業，相信唔會抗拒，睇劇情啱唔啱啫！」

嗌翠如請食飯

談到黃翠如父親的建築公司今日上市，馬明聞言謂：「咁勁，真係唔知喎！（買佢隻股票？）我唔係好掂嘅，唔需要啦，叫佢請食飯，將來同佢套劇《為食神探》首播飯局，佢應該識做啦，10幾億喎！食餐飯唔係好過份！（蕭正楠好似準女婿咁去撐場！）咁咪開心囉，好似楊怡結婚都戥佢開心，可以搵到自己另一半。」

郭嘉文有陳展鵬教路

而處女下海拍劇的應屆港姐郭嘉文，則表示對作品終於出街感緊張，飾演助理調查員的她，望觀眾喜歡其演出，問到前輩陳展鵬可有指導其演技？她謂：「有，同佢多對手戲，有一場係佢向我撥咖啡，事前佢令我個人放鬆，最終拍咗兩Take就完成。（幾時拍新劇？）依家都做緊節目《東張西望》外景，希望呢套劇出街可以多啲機會試唔同嘢。」