無綫myTV SUPER周日晒冷　亞視又翻生

TVB全新OTT服務「myTV SUPER」機頂盒將於4月18日隆重啟動，為求打響頭炮，TVB實行全台總動員，於4月17日出動田蕊妮、胡定欣、陳煒、江美儀、汪明荃、陳凱琳、鄭少秋及馬國明亮相台慶級直播節目《萬千星輝睇多D》，又安排星級司儀組合「鄭裕玲＋農夫＋林盛斌」擔任主持，而歌手周柏豪亦現身壯「Sing」勢！

昔日亞視藝人獻唱主題曲

當中，TVB將與ATV大玩Crossover，以新頻道「亞視台」揹飛作宣傳主力，收錄亞視派台劇《萬家燈火》、《肥貓正傳》、《美麗傳說》以及《我和殭屍有個約會》等。曾服務亞視的視后田蕊妮、陳煒、江美儀與陳展鵬等，將在直播節目中為亞視經典劇主題曲獻聲，回味亞視幾代昔日時光。

阿田讚好

已貴為TVB視后的阿田，對於亞視經典劇將於新頻道播出，認為觀眾有更多機會回味劇集是好事：「亞視劇集可以喺另一個頻道播番出嚟，係好值得高興，以前亞視劇可能冇咁多觀眾睇到，依家大家可以睇番，仲可以將台前幕後嘅精神延續出去。對呢個安排覺得好驚喜，自己喺亞視有過一段日子，有幾部對自己好有意義嘅劇集，自己就想重溫番離開前嘅《萬家燈火》。」

陳煒望嫩口形象重現

而陳煒就認為新頻道可以延續亞視經典：「依家亞視不至於失傳，亞視曾經有過好多製作，知道自己嘅《廣東十虎》都有買到，當時挑戰拳腳功夫，係認真製作，希望觀眾會留意番嫩口嘅我啦！」

同樣出身亞視的江美儀，亦表示收到消息後好振奮：「梗係好啦！依家冇咗亞視呢個台，但我仲可以有機會睇番亞視劇集喎，係好聰明嘅舉動！嚟緊OTT仲會播我嘅新劇《性在有情》，當然要喺節目度支持。」

最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment