唔睇《太陽》劇透　蔡思貝捱眼瞓一次過煲

藝人蔡思貝現身節目《MyTV SUPER呈獻：萬千星輝睇多D》綵排，表演韓國舞的她，笑指一度擔心要跳K-Pop舞步，幸好最終只是打鼓，令其放下心頭大石。

談到韓劇《太陽的後裔》熱爆亞洲，思貝表示很想觀賞：「為免自己中毒，所以會節制，揀到啱先睇，唔會亂咁開始，呢套聽聞好吸引，我專登唔睇劇透，依家結局咗！諗住一次過煲，我一睇就會不眠不休。」

劉佩玥抱病上陣

而抱恙上陣的劉佩玥，就透露因免疫力弱導致頭暈，但為免媽咪擔心，故承諾會快快好起來。談到拍攝中的劇集《幕後玩家》，同劇的黃翠如榮升富貴千金，問到有否着對方請食飯？她謂：「多數都係黃宗澤請，其實我恭喜翠如爸爸公司上市，希望佢生意愈做愈好，成班人都戥佢開心，佢為人好低調，咁就畀佢繼續低調啦！我哋平時傾偈都唔會講呢啲嘢！」