【宅男惡夢】前田敦子密會男星洩床照？

日本女團AKB48舊將前田敦子近排是非多多，被踢爆睇舞台劇唔識規矩，唔肯除帽被趕，今日又登上八卦雜誌《FRIDAY》封面，仲被拍到同男星新井浩文密會，仲流出床照咁大鑊？

不過，各位男粉絲稍安毋躁，原來只係前田主演深夜劇《毒島百合子的赤裸裸日記》的劇照，佢同新井浩文假扮被狗仔隊偷拍宣傳。前田喺劇中飾演一名天生戀愛狂女記者毒島百合子，主動色誘新井飾演0既已婚記者。前田話好享受演百合子呢個角色，但就唔贊成搞不倫戀。而佢每集更要應付大量親熱咀戲，將以前偶像形象狠狠放低，完全唔錫身。