人妻陳松伶勁冧張兆輝：好想佢娶我
藝人張兆輝與陳松伶（松松）出席新劇《全職沒女》試造型，二人甫見面即互稱男神、女神，更揚言要擅自加插親熱戲。
「闊別無綫十年」
一身活潑打扮兼配上小雲眼鏡的松松，透露全因劇本及對手吸引而打動她出山，又不諱言已闊別無綫劇集10年，更謂：「我細細個已經好鍾意輝哥，老公都叫我enjoy拍，完全係夢想成真咁，無論戲裏戲外都係佢忠實擁躉，好想輝哥娶我，好傾慕佢。」問到長時間沒有拍無綫劇，可有擔心不習慣？松松笑謂：「會呀！驚食螺絲。（講慣國語唔慣？）兩國語言都唔得！」
擅加親熱戲
而張兆輝則笑言以往與松松均緣慳一面，如今終等到合作機會，問到兩人可有親熱戲？他謂：「驚我唔達標，一係到時live博一博，只要你願意，我就甚麼都願意。」在旁的松松也舉腳贊成，還笑言想自己加插該些情節，更不怕老公呷醋，惟對方也忙於拍劇，故未能到場探班。
自嘲年紀大
問到二人可要求劇組有足夠時間休息？自嘲年紀大的松松表示絕對需要，張兆輝謂：「精神上有講過，但都體諒監製，大家遷就吓，我都年幾冇拍，時代巨輪轉變得太快。」
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：