唱情歌擦愛火？Kay自爆曾夢見麥浚龍

繼續係謝安琪演唱會，跟住落嚟係戴帽黑超嘅麥浚龍（Juno），同Kay合唱Hit歌《羅生門》，Juno說：「我係好開心，覺得上年直至今日，我同Kay嘅合作有好強親切感，好似我哋分享好多音樂以外嘅嘢，上年畀我最大得着，唔係我哋首歌有幾多人喜歡，同攞幾多獎，係能夠識到真心朋友係難能可貴。」

藏粉絲信吸正能量

Kay即場自爆謂：「因為太投入角色，要一個人愛住自己十年，有時發夢見到你冇乜嘢做，擺吓甫Chok吓。」由於有指今次是Kay的最後紅館騷，Kay不時感慨說：「我好珍惜喺紅館同大家唱歌嘅機會，尤其係呢個演唱會之後，我會小休一段時間，呢個休息唔知小定大，總之我內心同自己講想休息，所以好多謝大家同我走過咗人生三十歲嚟梗四十歲呢個階段。」並透露自己收藏了不少歌迷的信，Kay說：「雖然呢啲信輕飄飄，對於我嚟講好寶貴、好重要同好有力量，畀我好多支持。」

自覺格格不入

Kay直言成日冇感在行內格格不入，她說：「好多時候覺得自己好孤獨，有時覺得做梗嘅事唔係咁易做，但好想堅持落去，多得好多人支持，每個歌手都獨一無二，希望大家記得咁嘅一個我。」