楊怡理財能力強　羅仲謙放權有着數

有指楊怡「虎妻」上身，凌駕老公羅仲謙，堪輿學家陳子才分析指楊怡控制欲較強：「睇番楊怡嘅面相，佢嘅顴骨高，而且雙目有神，代表佢權力控制欲強，份人比較有主見。而羅仲謙顴骨比較低，即係代表佢係弱勢，相對之下楊怡比較強勢，所以都可以話佢食住老公。」

眼神溫柔尊重老婆

問到師傅有關羅仲謙是否「耳仔軟」聽晒老婆話？陳子才說：「面相嚟講，一個人眉粗又雙目冇神，代表佢怕老婆。不過，睇番羅仲謙嘅面相，佢係眉粗，但眼神溫柔，應該係話佢愛錫楊怡，好尊重老婆，所以先唔介意畀老婆話晒事。」講到楊怡似乎掌握家中財政大權，陳子才續說：「因為楊怡嘅理財能力強同埋謹慎，相反羅仲謙嘅理財能力比較弱，所以佢將啲錢畀老婆管係好啲。」