【這些機會不是我?】黃宗澤叫網民幫拖

20160416
東網電視
更多新聞短片
黃宗澤(中)叫大家幫幫手起個題…會唔會《係這些機會…》?
近日黃翠如爸爸身家暴升(雖然有再暴跌)成為全城熱話,而蕭正楠仲被封為「十億駙馬」?!而呢日佢嘅拍檔黃宗澤(Bosco)就喺微博貼咗張相!相中就有三個人,佢哋就係張繼聰、蕭正楠仲有佢自己!見佢哋着住套黑色西裝,手翹手坐喺度擺晒Pose,Bosco就留言:「究竟這張照片想表達什(甚)麼?請大家幫忙起個標題!」
諗呀諗…唔通係《這些機會不是我的》?事關張繼聰娶到個大眾女神,又靚又叻嘅老婆謝安琪,而蕭正楠又有個幾十億嘅千金女友翠如BB,可謂佢哋兩個都係非常之叻豬,一個女神一個BB,係巧巧巧令人羨慕呀!
而相反Bosco同個日藉女模JUN,仲未開花…佢話仲係了解緊咁…好似係除非唔係!咁如果Bosco肯公開承認拍拖嘅,咁咪改做《我有個日模之宗澤沐浴在異國愛河》囉,OK?喇…如果係你哋…又會點起個題呀?
最強娛樂APP《東網巨星》,不時推出最新最好玩娛樂節目,除了早前推出的特備節目《發哥有Say》、《黎明話你知》外,每個禮拜都仲有好多其他精彩娛樂節目。如果鍾意韓風嘅,集中介紹最新韓劇、韓片同韓國最新歌曲嘅《韓劇榜》,同埋Highlight每周韓星訪港精彩片段,以及報道韓國演藝圈最新動態嘅《韓風吹》絕對啱晒你。仲諗咩呀!快啲Download啦!
最強娛樂APP「東網巨星」下載連結: