唔急傾續約　夏森美同Kay再合作睇緣份

「人妻女神」謝安琪（Kay）完成兩場紅館演唱會後，已宣布將暫別樂壇，短長則一年，長則未定，阿Kay暫別之時，也透露與經理人夏森美即將約滿，夏森美接受《東網》電話訪問，問到他與阿Kay有否傾續約？還是待阿Kay休息完才傾？夏森美說：「唔急，慢慢，我哋合作咁耐，合約唔係最重要嘅事。一年前已知阿Kay想休息暫別，當時大家有商量過，過去十年我哋真係冇停過咁做，我心靈上都要休息。（將來還會合作？）睇緣份。」