林志玲食宵夜　惹米八網民自薦做男友

台灣第一名模林志玲（Chiling）雖然年過40，已屆中女之齡，但佢不論樣貌定身材都一樣Keep到最佳狀態，而早前佢更為拍廣告時着過嘅「有味胸圍」開價十萬蚊人仔，認真有價有市！得天獨厚嘅佢今次就於微博大晒自己深夜食牛肉麵做宵夜嘅自拍照，其後更留言「自首」指雖然知道咁夜食嘢會肥，但就係肚餓，忍唔到：「這個時候夜宵～我知道～但肚子餓了呀！」唔少網民見到女神呢個可愛得嚟又帶點無辜嘅眼神都即融化晒，期間仲有人禁不住留言舉手自薦做Chiling男友：「志玲，講真我淨身高180，喜歡看動漫和RunningMan，最愛Bigbang，不打遊戲、不抽煙，就是和朋友聚會的時候會喝一點酒，關鍵是器大、活好、不粘人，顏值還算可以！微博有我的照片，如果你感覺可以的話我們試着交往一下好嗎？」