畀老公嫌太忙　杏兒晒腰嗌怕凍

藝人胡杏兒以代言人身份在西貢拍攝廣告。以運動Bra Top大晒纖腰的她就表示會為品牌做一年代言人。問酬勞是否可觀，她就不肯透露價錢：「開心價！」昨晚專程不吃飯Keep身型的她就指自己年紀愈大愈怕凍，所以都需要開始調理身體，問是否為生B做足準備，她即笑謂：「做呢行日日都要調理身體㗎啦，生B就順其自然。（努力中？）冇乜時間，暫時亦都冇生B方面嘅經驗，都係順其自然啦！」又指兩夫妻已經放了長假，所以目前先專注工作。

至於談到杏兒在內地拍攝真人騷，問是否獲重金禮聘，她謂：「拍一集啫，之後都仲要返去拍。」又謂除了自己變成太太外，亦多了新抱身份，好彩奶奶冇催生B。（奶奶有冇整補品畀你？）佢唔喺香港，應該發生嘅嘢就會發生嘅。（你有冇幫老公補補？）佢唔需要啦，佢OK，太補佢會生暗瘡。」更指老公李承德（Philip）呻她工作太忙：「咁盡力拎個平衡啦！但5月都要拍新戲。（有冇煮過飯畀老公？）意粉，其實準備一餐都要好多時間。」