伍允龍夜蒲畀女摸胸抽水
高大、靚仔、一身肌肉仲要單身，有齊呢啲條件嘅男士喺夜場真係殺晒，可以話無往而不利，凌晨時段見到回復單身嘅伍允龍就同一班朋友喺中環夜蒲，見到其中一位進擊的女士望住伍允龍，對心心眼出晒嚟，全程好主動咁黐到實，不停同伍允龍傾偈，伍允龍開頭都好有風度咁大家吹吓水，不過進擊的女士啲行為愈嚟愈激烈，坐吓埋啲坐吓又埋啲，想同伍允龍有身體接觸，期間進擊的女士出手摸伍允龍啲強功胸肌，之後仲想趁亂錫伍允龍塊面，伍允龍即場嚇到彈開，進擊的女士見伍允龍想走人，改為攞個電話出嚟「抄牌」，擾攘咗一輪伍允龍被抄牌後先可以成功甩身。
唔畀女埋身
伍允龍就同朋友轉咗去第二度再玩，唔知係咪畀之前進擊的女士大膽嘅行為嚇怕咗，伍允龍轉咗場之後全程都係黐住啲男友人玩，仲要揀個單邊靠牆位坐，完全杜絕再有女士埋身嘅機會，玩到三點零鐘，伍允龍就同一男性友人離開，先送男友人返酒店，佢就再搭的士返屋企。
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：