myTV SUPER：李施嬅晒自拍出賣洪永城？

尋晚喺TVB舉行《myTV SUPER呈獻：萬千星輝睇多D》嘅大日子！唔少女星都去到盡性感撐場，亦喺網上甫出唔少精華自拍相，連李施嬅（Selena）都唔例外。不過甫還甫，出賣朋友又唔係幾好喎！事關尋晚Selena就甫咗張自拍，但係後面就偷影到曾經傳過緋聞嘅洪永城（Tony）同蔡思貝偷偷哋喺後面自拍緊！咦...Tony嘅「正牌女友」唐詩詠（Natalie）好似去咗加拿大做嘢唔得閒監場喎，唔通Tony作反？唔知Natalie見到會唔會嬲嬲豬呢？