坐言起行　高良健吾低調現身熊本派水

熊本出生0既日本男星高良健吾，對於家鄉近日接連發生大地震表現痛心，早前佢就透露想到災區派飯，雖然因為當地交通停止服務影響而未能行動，但佢今日就坐言起行，趁住放假同朋友親自到熊本市用作臨時避難所的小學幫手派水。據悉高良健吾於噚日主動與有關慈善單位聯絡，並於今日中午與友人駕駛水車抵達當地，向約100名災民派發食水。

高良健吾雖然戴住cap帽，又低調戴上口罩，但仍被唔少災民認出。而高良健吾所屬事務所亦表示佢係私下去幫手，網民都好感激佢工作忙碌，仍然喺難得假期抽空行善。