娶50歲梅小惠?阮兆祥:係安慰佢家人

20160418
東網電視
更多新聞短片
阮兆祥話當時講呢番說話,係為咗梅小惠屋企人。
藝人阮兆祥為宣傳五月假伊館的棟篤笑到電台接受訪問,講到阮兆祥早年與李思捷、王祖藍組成「福祿壽」,有指因李思捷工作時態度霸道,以致三人最終散Band,阮兆祥直言從來沒有杯葛存在,當時分開是因為大家都覺得福祿壽曝光太多。而談到阮兆祥當年曾被不斷影射「漢堡包嘴」,會否覺得難堪?他直言:「最初係有啲唔舒服,但後來又覺得都係算啦,冇咩大不了,調轉頭諗自己仲有啲娛樂價值。」
同梅小惠冇任何愛情
提到阮兆祥曾向梅小惠許下承諾「50歲未嫁人就娶佢」,而小惠今年亦剛好踏入50大關,阮兆祥直言:「首先,我好感激喺生命遇到梅小惠,但我哋之間從來都冇任何愛情,大家只係兄弟情,彼此已經好似家人咁。我哋會邀請對方同屋企人食飯,嗰句起初係想講嚟氹小惠屋企人,因為嗰時佢失戀,我怕佢屋企人擔心先會咁講安慰佢哋。」
講好唔結婚唔生小朋友
問到拍拖16年的女友Crystal可會呷梅小惠的醋?阮兆祥笑言:「初初拍拖嗰時我已經同佢講笑話,如果我實踐50歲娶小惠嘅承諾,記得小惠做大佢做細,總之佢唔會呷醋啦。」問到兩人多年感情是否已經有承諾?他自爆早就同女友講好不婚不育:「未拍拖之前,我問佢,如果唔結婚介唔介意?佢話唔介意,我再問唔生小朋友介唔介意?佢話唔介意,然後我先話咁我哋可以拍拖喇。講到我見證好多身邊嘅人結婚,又離離合合,但我身邊依然係Crystal,即將踏入第17年,大家相處得舒服就得。」
最強娛樂APP《東網巨星》,不時推出最新最好玩娛樂節目,除了早前推出的特備節目《發哥有Say》、《黎明話你知》外,每個禮拜都仲有好多其他精彩娛樂節目。預知未來,相信好多人都希望做到,《東網巨星》APP其中一個重點節目《玄學星相》,除咗教識大家點樣催吉避凶,仲會以玄學角度,幫大家八盡每周娛樂熱話㗎!
最強娛樂APP「東網巨星」下載連結: