新劇臨危受命趕出街？陳煒「膊」盡宣傳

藝人陳煒偕黃光亮到將軍澳電視城為無綫新劇《火線下的江湖大佬》拍攝宣傳片段，由於《火》劇是臨時代替另一套劇集《爸B有話兒》提早播出，兩位均直認宣傳有點趕急，不過陳煒仍做足準備，為宣傳露肩搶鏡！

陳煒賣口乖：所有時間畀晒公司

談到《火》被指臨危受命與ViuTV對撼，陳煒受訪時表示不會多想，亦不會理會是否打仗，更笑言打仗的事交給將軍黃光亮，自己對作品則很滿意：「係有啲趕出街嘅，我見到後期都好積極去做。（推前宣傳對你計劃有影響？）唔會呀，就算唔宣傳呢套我都要宣傳《爸》，等公司安排啦，我係公司嘅藝人，所有時間都畀晒公司。」陳煒亦澄清《爸》劇順延，是為配合六月的青少年節目。

望與舊同胞合作

提到昨晚多位前亞視藝人包括袁文傑、蔡國威等獲邀在無綫亮相，陳煒亦謂希望能與他們日後在無綫合作，問他們可有請求她搭路？陳煒笑言：「我小演員嚟㗎咋，但好開心早兩日都喺無綫見到袁文傑，有飲茶傾偈。其實好開心可以見到佢哋，以前啲感覺同默契番晒嚟，希望有機會可以同佢哋喺無綫合作。」