打過都紅　宣萱迫狄龍打多幾巴

影星狄龍及宣萱主演的英皇新片《我來自紐約》舉行首映禮，來自馬來西亞的導演張爵西及兩位小演員陳沁霖、陳智深專程來到香港出席，加上嘉賓趙雅芝及黃錦燊等撐場，場面相當熱鬧！

戲中扮演父女的狄龍及宣萱不時互笠高帽，狄龍對宣萱讚口不絕：「佢工作準時、做足功課又冇架子，加上大家都屬狗又愛狗，所以特別啱傾。」而宣萱則難忘狄龍主演的經典電影《英雄本色》。

譚俊彦做咗老竇更定性

對於電影中宣揚兩代間關懷，狄龍有感而發：「當開始老花，再加上行樓梯覺得攰，就知道自己開始進入老年，要珍惜眼前人。（依家弄孫為樂？）佢未夠一歲，之前我抱佢會喊，依家就學緊喺我心口瞓覺，真係冧晒。」他又指兒子譚俊彦做了父親後，變得比以前定性。

四大天王都畀狄龍打過

至於萱宣則避談感情事：「今日都係講套戲好啲，戲入面我畀狄龍打咗一巴，佢話畀佢打過嘅都會紅，所以我叫佢打多兩巴啦！」狄龍即笑答：「我打過四大天王、成龍、周潤發同黃曉明喎，唔係呃你！」

兩童星大爆拍戲趣事

戲中扮演宣萱女兒的童星陳沁霖表示電影開拍前剛巧掉了一隻牙，最終要套上假牙演出，而另一位童星陳智深則難忘一口氣吃掉20個漢堡的戲份。