張智霖愛的宣言冧靚靚　嘉玲爆偉仔難搞

藝人張智霖（Chilam）最近忙於喺中港兩地吸金，佢同太太袁詠儀喺第二季嘅內地真人騷節目《一路上有你》中，搵嚟女星劉嘉玲做嘉賓。劉嘉玲直問張智霖對結婚多年嘅袁詠儀有咩感覺嗰陣，張智霖謂：「就是不能失去她的感覺。」嘉玲即恭喜袁詠儀謂：「你真的找到一個很好的男人！」劉嘉玲又透露佢並唔係好似外間咁諗係佢喺屋企稱王：「我一直尋找一個方法令夫妻更和諧一點，我們家裏那個（老公梁朝偉）很難搞的。」