萬綺雯越南拍劇 頂唔順熱到中暑
20160418
東網電視
更多新聞短片
越南熱到爆，萬綺雯都頂唔順，輕微中暑要休息唞唞。
藝人萬綺雯（蚊蚊）現時正於越南為無綫劇集《致命復活》拍攝，同行的還有猛男王浩信、黃德斌、郭晉安。
越南尋夫
不要以為只有男演員要拍動作場口，蚊蚊此行都要拍不少動作戲，更被監製林志華指是「眾人之冠」。但現時越南氣溫高達三十多度，更是旱季，蚊蚊又要拍攝多場越南尋夫（郭晉安飾）的戲份，經常要跑街，頂了多日，有一日她就不支輕微中暑，見暈要坐低休息，蚊蚊接受《東網》訪問時坦言：「呢度真係好熱，拍嘅戲份較多，監製話我係所有人之冠，有一日唔係好夠瞓，曬咗一陣就暈暈哋，要坐咗一陣先再拍。」不過，蚊蚊指越南很多美景，有些地方更是專登搭船、轉機去拍攝，但辛苦都是值得的，因為有美景睇番，更笑言可能「體力勞動 」。蚊蚊又謂胃口都相當好，更一日掃清兩個飯盒！
德斌孭蚊蚊跑樓梯
另外，劇中德斌是蚊蚊於孤兒院一齊長大的哥哥，每次遇到困難都會出現幫她，當中有場德斌孭住受腳傷的蚊蚊上樓梯的戲份，公認大隻、肌肉型的德斌坦言一點都不辛苦。拍攝時蚊蚊穿着傳統越南服飾，她笑謂：「因為件衫太貼身，唔係好郁得，喺樓梯德斌孭我，跳咗幾次後，隻袖爆晒線，之後仲甩咗，要即刻縫番，好搞笑。」
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：