滑雪受傷　宣萱自嘲似老人家

藝人宣萱出席活動時透露剛由日本北海道返港，她說：「去咗八日，滑雪時唔小心扭傷腰，已經睇咗針灸，但都好似唔係好得，所以會再睇西醫，怕係肌肉發炎唔知。」宣萱笑言每朝起身似老人家，她說：「好辛苦，起身時好似老人家慢慢起，已經玩得好斯文都出事。」對於日本熊本大地震，宣萱說：「啱啱係日本返嚟，佢就大地震，咁大個女都未經歷過，不過唔想經歷。」並透露會上網及睇電視收看不同類型的求生技能。