曹震豪到電台宣傳新歌《學習浪漫》，提到有傳佢同MV中女主角江嘉敏戲假情真，佢即露出尷尬表情，跟住就否認有咁嘅事：「可能我哋兩個本身都好friend，所以啲人先咁誤會。」並坦言之後會繼續同合作，拍啲有連貫性嘅MV。

問到兩人有無發展機會，曹震豪說：「等我哋私下多啲見面先，唔係為咗做嘢而見嗰隻，我哋私下都係講公事多，佢係個事業心好重嘅女仔。」而曹震豪就話自覺係幾浪漫嘅人，會花一連串心意去取悅對方。