好女友典範　唐詩詠唔會批評洪永城演技

有「絕世好女友」之稱的唐詩詠，早前偕袁偉豪拍劇一拍即合，她認為扮演歡喜冤家最緊要夾，又謂跟男友洪永城都玩得，相信二人再合作會擦出另一種火花。

唐詩詠早前於無綫劇《鐵馬戰車》跟袁偉豪（Ben）合作，她表示二人同屬金牛座，喜歡理性分析，故一拍即合。二人在劇中不時鬥氣互窒，詩詠認為演歡喜冤家最緊要夾，問會否想跟男友洪永城（Tony）再合作？她笑說：「我唔知夾唔夾，可能得，最重要兩個都玩得，同埋要對拍檔有信心。（唔怕挖苦Tony激嬲佢？）未試過，要試過先知。」

讚男友有原則

詩詠自言性格固執，不喜歡計劃被打亂：「譬如我計劃好做一件事，如果你突然改我啲嘢，嗰刻我會好忟憎，除非一開始我已經話『我哋今日隨意啦』，咁就做乜都得。（Tony性格隨意？）唔係，佢有佢原則。」

提到入行以來沒正式學戲，詩詠說全靠一眾前輩如黎耀祥、陳國邦、田蕊妮及監製李添勝等指導，令其演技逐漸提升。對於近年才轉型拍劇的Tony，詩詠亦盡量不批評：「因為（批評）好影響演員情緒，我都好注意呢樣嘢。唔會主動教佢，除非佢問我就會講，因為身份唔同，佢嘅好我覺得一定有，但會睇到多啲需要改嘅地方。」

「同佢行每一步」

談到男友演技遭批評，詩詠直言試過給予意見，最終發現鼓勵大過一切：「每個演員都需要經歷（批評），過程要自己發掘，無論你點話畀佢聽點做好啲，佢都冇得跳咗個步驟，反而喺個過程畀鼓勵佢、同佢行每一步，咁樣緊要啲。」

場地：莆田

化妝：Jessica Chan@jessicachan makeup workshop

最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment