老婆謝安琪探班　張繼聰興奮打錯字

東網電視

老婆謝安琪來探班，張繼聰勁開心攬實晒愛，點知太興奮，打錯個「殭」字。

藝人張繼聰同「女神」老婆謝安琪（Kay）一向係圈中模範夫妻，結婚多年兩人恩愛如昔，真係羨慕死唔少人！而早前有網友對Kay嘅樣貌作出批評，張繼聰即時力撐老婆，難怪網友Like爆兼大讚佢係好老公、好男人，更榮Man升神！

忙於拍新劇嘅張繼聰，尋晚又喺網上放閃，上載獲老婆探班嘅合照，留言：「藍夢南小姐來探班……‪#疆‬」藍夢南係老婆喺《殭》劇集女主角個名，但係張繼聰竟然打錯個「殭」字，變咗「疆」。

不過，今次又有引來網友「挑機」求對話，原來佢係大讚Kay人靚心又靚，「愛妻號」張繼聰即時回覆，大讚呢位網友有品味，相信Kay睇到實冧爆啦！

最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

最強娛樂APP「東網巨星」下載連結：

on.cc東網