謝安琪揭父子情　張繼聰攬仔散發男人味

藝人張繼聰（Louis）一向都被公認為「廿四孝老公」，同老婆謝安琪（Kay）結婚多年，佢至今依然經常於網上放閃光彈，高調晒愛！Louis早前就公開於網上為老婆發聲，霸氣要求與網友對話，隨即引得一班女士大讚Man爆！

然而，同為人父嘅Louis今次更於fb晒出與囝囝張瞻相擁進睡嘅溫馨合照，仲有感而發指：「近排日日工作到凌晨四、五點先番（返）屋企，好耐都冇好好陪過依（呢）位小朋友。唔排除佢太掛住佢老豆（竇），所以每朝番（返）學之前，原來佢會極速換校服然後跳上嚟攬住我五分鐘。當然都唔排除係乘機可以眠多五分鐘啦。不過依（呢）個舉動已經成功KO佢老豆（竇）⋯⋯今日成日望住依張相⋯對眼好濕潤。感謝有位女殭屍幫我拍下依（呢）個最動人時~光 ‪#‎春光乍洩‬」。

張繼聰呢篇父子親嘅文章令人好感動，而最令人感動係佢已經識寫個「殭屍」，唔係「疆」屍喇！