帶媽咪賞櫻　劉嘉玲影靚相獲網民激讚

藝人劉嘉玲最近到東京出席活動，識得歎嘅佢自然寓工作於娛樂，抽時間到處遊玩。而嘉玲今日喺微博分享當地嘅相，原來佢帶埋媽咪一齊賞櫻，提早慶祝母親節，相當有孝心！嘉玲仲把握最後機會，喺櫻花樹下狂影靚相，粉絲都留言大讚「花美人更美」、「女神太漂亮啦！」而佢亦留言：「這可能是東京唯一一顆還沒凋零的櫻花，提前祝你母親節快樂。」