驚世大騙局！杜如風「呃秤」露肉搶收視
20160422
東網電視
更多新聞短片
呢單嘢，真係驚世大騙局。
藝人杜如風今日晏晝喺將軍澳出席無綫節目《関西攻略》記者會時，就話今次去關西拍攝形象多變，為咗對撼ViuTV，除咗有藝伎look，仲會「破天荒」賣性感露肉浸溫泉，不過佢就擔心會惹嚟投訴。
聽完係咪好想先睹為快呢？《東網》就為咗大家嘅眼福，率先咁將杜如風嘅「處女露肉」照搶到手，不過Sorry，成件事只係一個騙局，杜如風所謂嘅露肉，原來係露人哋嘅肉，佢將一個胸前偉大、但冇人頭嘅紙板公仔放喺自己前面，就當露咗肉，仲要打埋格添。雖然相當呃秤，但就創意滿分，雖然唔會流鼻血，但就勝在爆笑！
另外，杜如風嘅藝伎Look都好驚爆，呢個時候，都係唔阻大家太多時間，去相！
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：