新婚滿月！劉詩詩爆老公唔喺屋企半個月

藝人工作忙碌而且唔定時，夫婦要維繫感情少啲忍耐力都唔得！好似升呢人妻冇幾耐嘅劉詩詩，最近宣傳新戲《那年我們青春正好》時就自爆雖然同吳奇隆已經結婚一個月，但老公有成半個月都唔喺屋企，所以對「新婚」呢個Term冇乜Feel喎！講到呢度，當然要問吓大家最關心嘅生仔計劃啦，詩詩對此表示：「今年真的沒有，大家等明年再來問我吧！」

雖然做嘢忙到甩轆，不過其實吳奇隆都有盡量抽時間陪老婆嘅。同詩詩喺新片中做拍檔嘅鄭愷，大爆每次每逢同詩詩拍攝親熱戲，吳奇隆一定會嚟「探班」，鄭愷表示：「他總是低調躲在角落裏，用賊亮的眼睛盯着我。」四爺不愧為四爺，好有霸氣呀～～～