周志文羅孝勇翻唱Hit爆《太陽》插曲

20160423
東網電視
更多新聞短片
連周志文同羅孝勇都話向《太陽》致敬!
韓劇《太陽的後裔》雖然已經喺上周播出咗大結局,但熱潮仍未減退,連藝人周志文同羅孝勇(Sheldon)都忍唔住翻唱劇中插曲《Always》,向《太陽》致敬!佢哋仲要專登拍埋MV配合番首歌,相當有心思,而MV上載唔夠24小時已經有近萬次瀏覽數量,周志文亦喺社交網站上留言:「第一次唱韓文歌,睇完《太陽的後裔》就喜歡咗依首歌,希望你哋都喜歡啦!」有網友都留言讚佢哋唱得好之餘,韓文發音亦唔錯,仲有眼利網友發現佢哋嗰MV喺觀塘取景。
而周志文接受《東網》電話訪問時,透露成個MV都係佢同Sheldon一腳踢,由邊度取景去到拍咩SHOT都係自己構思,佢哋仲要化身導演自己拍MV:「個MV係我哋自己拍㗎,就係佢拍我,我拍番佢咁囉!」佢仲話當日拍到凌晨5點先完成,又指MV雖然冇咩特別橋段,但佢哋好用心拍,希望大家都睇得開心。
最強娛樂APP《東網巨星》,不時推出最新最好玩娛樂節目,除了早前推出的特備節目《發哥有Say》、《黎明話你知》外,每個禮拜都仲有好多其他精彩娛樂節目。如果鍾意韓風嘅,集中介紹最新韓劇、韓片同韓國最新歌曲嘅《韓劇榜》,同埋Highlight每周韓星訪港精彩片段,以及報道韓國演藝圈最新動態嘅《韓風吹》絕對啱晒你。仲諗咩呀!快啲Download啦!
最強娛樂APP「東網巨星」下載連結: