閃到爆！Ella@S.H.E做大廚老公嗌幸福

最幸福嘅生活，其實係最簡單嘅生活！就等台灣女團S.H.E成員陳嘉樺（Ella）同佢老公賴斯翔（微博名：爾文賴）話畀大家知。其實佢哋兩個不時都會抽時間過二人世界，雖然Ella貴為台灣天團嘅歌手，但係平時嘅生活同普通人根本冇乜分別，佢哋呢日就一齊食個早餐，放吓狗，再買餸返屋企玩煮飯仔，賴斯翔仲喺微博上載咗多張相，留言：「你們知道我來幹嘛的吧。我們的歡樂家庭日。早餐後帶布丁去狗狗運動公園，之後去採購晚餐材料（因為我點菜說想吃雞肉湯面），回家後樺大廚開始料理，享用着大師級的豪華雞肉湯面。吃了幸福一輩子！誰要吃？」之後Ella都有轉發老公嘅貼文，並留言：「吃了，真的會幸福一輩子，真好吃！」嘩！真係甜到漏。