為拍戲犧牲身材　陳妍希狂擦豬豬包

曾經畀網民笑佢「小籠女」、「小籠包」嘅台灣女神陳妍希（Michelle），今次唔食小籠包改食豬豬包！呢次女神喺微博上載咗一張拎住豬仔造型麵包嘅相，仲話自己因為拍劇食咗好多個豬豬包，佢留言話：「你猜我今天為了拍戲吃了幾個豬豬包？多敬業的演員啊！！！真的都是為了戲好啊！」食咁多豬豬包，今次佢會唔會變豬豬包㗎！唔少網友見到女神嘅萌爆自拍都留言大讚：「小吃貨，真可愛啊！」不過，亦有網民留意到女神頸上有隻戒指，仲留言問：「脖子上是戒指嗎？陳曉送的嗎？」