土屋新劇喪踢福士籮柚　踢到亢奮差點走光

新一季日劇剛開鑼，新劇一套一套接住播，福士蒼汰同土屋太鳯合演改編自田中機械的同名漫畫《極樂天使》，昨晚在日本正式登場啦！故事講述福士蒼汰在街上看見一隻粉紅色兔子與幽靈互相拉扯，兔子驚訝發現福士可以看到自己，兩人交談後，繼而合作搞一間替亡魂完成心願的公司，呢個古仔都好神化，啱晒鍾意鬼鬼怪怪的日劇迷睇！

而福士喺劇中飾演理科大學生，不但可以看見鬼魂，甚至會被鬼魂上身，而土屋太鳳演的體育系女大學生，就剛好相反，她為替亡魂完成心願的公司工作，擁有讓人靈魂出竅的超能力。

昨晚播映個集，兩人的神奇能力就盡情發揮，當福士被鬼魂上身之後，土屋就向福士屁股大力一踢，將福士被附體的鬼魂踢番出嚟，於是福山接二連三被土屋踢籮柚，相當搞笑。而穿上熱褲的土屋就乘機大晒美腿，她舉腳踢福士時，仲差點走光添！

而劇中的粉紅色兔子，由邊個飾演開始時保持神秘，後來才揭露是由鈴木亮平演出，一展他的搞笑本色。剛生完第一胎的菅野美穗，婚後首度復出客串飾演一名大肚婆，對於啱啱生完B的她，實在駕輕就熟。據聞她今次客串1集就吸金120萬日圓（約8萬3000港元），比起一般客串酬金高出6倍之多。