張文慈泰國撞正潑水節　塞兩個鐘車

張文慈（Pinky）日前偕同關禮傑到泰國芭堤雅出席活動。二人寓工作於娛樂，工餘時爭取時間四出「覓食」、揼骨之餘，更齊齊到超級市場血拼！Pinky笑謂：「講出嚟都冇人信，我去咗咁多次泰國，都未去過超市，原來真係好抵好多嘢賣。今次我哋買得最多係衣物柔順劑，香港要成百幾蚊支但泰國賣十幾蚊咋。」此行剛巧遇上當地著名的潑水節，令二人眼界大開：「不過真係太多人喺街，一條路足足塞咗成兩個鐘先返到酒店呀。」