跳脫衣舞　袁偉豪土豪金三角褲誘黃智雯

藝人袁偉豪、陳智燊與新人郭子豪在將軍澳電視城為劇集《三個女人一個「因」》試造型，三人在劇中周旋於性格分裂的黃智雯之間。袁偉豪將表演脫衣舞色誘黃智雯，他說：「場戲係黃智雯嘅幻想，黃智雯收到劇本已經叫我操定六舊腹肌，不過自己都有底線嘅。（會着咩底褲跳舞？）最多都係着參選香港先生時嘅土豪金三角褲。（黃智雯對你好多幻想？）我哋合作過幾次，好多嘢可以開心見誠去講，佢叫我唔使怕羞，叫我着T-back跳喎。（會唔會搵女友幫你揀底褲？）都好，用女性嘅角度去揀會好睇啲，開工嘅時候睇吓使唔使僭建，使唔使立體啲。」

唔介意執二攤

講被有傳執羅仲謙二攤，袁偉豪說：「唔知，不過冇所謂，多個機會咪好好把握，大家都係向前行緊。」

而飾演黃智雯未婚夫的陳智燊表示沒有激情戲，角色斯文，鹌鹑性格，但不能做得滑稽，這才是最考功夫，他說：「黃智雯要做三重性格，睇見到戥佢攰。」