同黎美言不和？鄧洢玲：佢要檢討吓

藝人鄧洢玲（阿旦）出席網站直播活動，自言廚藝了得，由於得到母親真傳，故普通飯餸及老火沙絕對難不到她。

是非由觀眾判斷

對於有份參與ViuTV節目《G-1格鬥會》是非連連，阿旦坦言節目已播出，誰是誰非就由觀眾去判斷，她謂：「我唔會去憎一個人，因為會死好多細胞，又未去到深仇大恨，如果當時好多人都覺得有問題，咁自己就要檢討吓，唔可以喺自己世界，For佢（黎美言），將來都喺幕前工作，多個朋友支持好啲。（鄧穎芝同黎美言都有隔空罵戰！）我有睇過節目有留意，不過我中間冇贏過比賽，冇參加過訓練，再加上唔係當局人又睇唔到咩事。」

將到台灣拍節目

雖然如此，但阿旦表示不會因今次是非影響他日再參加類似的節目，而問到是否將帶愛犬出埠拍節目？阿旦謂：「都未firm，但公司就有問過我隻狗仔係咪健康，可以出埠嘅問題，之前去台灣拍另一個節目，係搵的士司機做導遊，下月中再去台南拍。」