名人：丘雪祺畫畫似寫日記

時裝設計師丘雪祺今日出席在數碼港舉行的《中國當代藝術全新視覺-牛安作品展》，剛從北京返港的她表示：「喺北京住嗰間都掛好多畫，覺得無論商業上同潮流文化上，藝術都係不可或缺，無論去到邊，都有藝術元素，藝術係時尚主流。」她說喜歡這個畫家運用好多色彩，自己亦鍾意用好多不同色彩於時裝設計上，故感覺大為親切，說可惜今次牛安未有來港，希望下次有機會能跟對方見面傾偈。

由細到大都愛畫畫的丘雪祺，喜歡將自己當下心情畫出來，就像寫日記一樣，她用畫筆畫下自己畫的日記，她說：「試過為自己新屋畫一幅畫，我想一起身就見到藍天白雲，所以畫咗一幅中國雲海嘅畫，又試過有晚瞓唔着起身畫畫。一路有畫畫，好希望將來開個個人畫展。」她認為畫跟人有着溝通，令你行近欣賞是一種緣份，有種磁場，她認為畫給予她的靈感不單止視覺上，而是思維上。問到男士是否也要有磁場才吸引？她說：「呢方面唔了解，係化學作用，我覺得咁多百萬人，遇到一個好朋友，都係同一道理。」