林志玲孖「失散妹妹」合照　網民嗌混亂

現年41歲嘅台灣女星林志玲，呢日就接受好友黃子佼訪問，成個活動，原本焦點係喺林志玲嘅感情生活度，不過當現場驚現「雅虎林志玲」同志玲嚟個世紀大合照時，即時搶番晒個焦點番嚟。皆因呢個「雅虎林志玲」同真‧林志玲成99.9％激似，唔少網民見到張合照後，都大玩認人遊戲，結果唔單止有超過一半嘅網民自首話認錯人，仲有人大叫「好混亂」。

其實呢位「雅虎林志玲」已經離職咗雅虎，而佢因為激似林志玲，2011已經成為網絡紅人，而佢哋最似嘅，係嗰對眼同埋對兜風耳。仲有網民留言話「雅虎林志玲」係林志玲同波多野結衣嘅混合體，靚成咁，唔做星嘥晒咯。