蘇志威生日唔知送咩！傑仔：佢連K房都有

組合草蜢到電台宣傳全新國語大碟《Music Walker》，下月3號生日的蘇志威獲電台送上蛋糕為他提前慶生。

蘇志威透露今年第一個收到的生日蛋糕是大女親手造的，覺得非常窩心：「好大個嘅，好靚，過兩日我會post出嚟。」又指生日當天難得不用工作，將與家人食飯慶祝：「我年年生日都要做嘢，今年唔使，原來蔡一智暗中幫我推晒啲工作。」蔡一智就笑指他旺工作，又謂將會以傳統方法為他慶生：「我哋以前好興生日煮隻蛋畀你食。」蔡一傑就笑說：「我負責染紅佢，好有誠意架！佢依家咩都有，連卡啦ok房都有，我哋仲可以送啲咩呢？」蔡一智就透露已送了一條名貴圍巾給他。

草蜢三子表示新碟中除了自己的創作外，周杰倫及王菀之（Ivana）亦有為他們作曲。問到如何報答他們？三子指會努力宣傳每首歌：「好好做好隻唱片，想全隻碟嘅歌都plug晒，令大家感受到個成果，呢樣嘢仲好過請食飯！」提到Ivana當初給予的歌曲demo其實尚未完成，但他們已立刻採用，他們說：「佢個melody好好，唔使修改。」蔡一智更笑言之後想與Ivana跳鋼管舞：「成日以為佢好文靜，但睇完佢演唱會跳舞好驚訝，覺得佢好犀利，今次音樂上合作，希望下次喺舞台上合作，王菀之加草蜢跳舞應該幾好睇。」又指Ivana在電影界算是他們的前輩，希望之後有機會合演電影，向對方學習。蔡一傑則笑言想與周董跳鋼管舞。