離開無綫首日 吳雲甫未搵到發展方向

20160427
東網電視
更多新聞短片
吳雲甫正式離開無綫第一日,佢話仲未搵到發展路向,但上年就同人開咗製作公司!
藝人吳雲甫(Owen)、顏子菲以及林秀怡到維園出席「美麗浙江‧欣賞香港」開幕活動,酷熱天氣更曬得子菲滿面通紅。
收入多咗
今日是Owen正式離開無綫的第一日,結束自己與無綫七年的「合約」關係,不過Owen否認離開無綫並非得不到公司的善待,主要是希望能在主持及主播以外多作嘗試:「上年我同拍檔開咗間製作公司,有接短片拍同埋接活動做,自己管理自己覺得都ok。(忙過之前?)差唔多。(收入多咗?)可以咁講。」
人事關係複雜
Owen又表示對他而言,無綫已沒有自己可發展的空間:「我每樣都掂過吓咁,但其實我自己都未搵到發展路向。有人話無綫好,有人話無綫唔好,但佢係一個總納嘅平台啫。」不過他亦認同無綫的人事關係複雜,自己亦弄不清所謂的「黨派」:「以前就係有嘢就做,我又冇乜話邊個黨派。」
帶挈顏子菲林秀怡
而Owen又表示與子菲自大學開始認識十多年,今次為大會拍攝的旅遊節目亦是他推薦子菲及秀怡的:「秀怡係喺無綫拍劇識嘅,最近我見佢做音樂節目主持都幾搞笑,子菲就係正正經經風格。」
顏子菲操弗Body
子菲表示最近忙於操弗身型,原因是接洽的兩套內地劇集中,其中一套或會有動作場面,Owen更笑稱她的手臂與自己有得揮!子菲謂:「係真係肌肉嚟㗎!唔係拜拜肉!(同邊個對打?)未講得住,但係香港星嚟嘅。」
秀怡未想離開
雖然眼見Owen離巢,秀怡郤未言跟隨:「我覺得未係時候,同埋依家以拍劇為主,會拍《三個女人一個「因」》,仲有啲微電影會去台灣拍。」