相隔六年再推寫真 花仙子Baby顏值爆燈
已經有成接近六年未有推出寫真集嘅藝人楊穎(Angelababy),今年載譽歸來,推出全新寫真集《櫻花說》,相關照片近日仲曝光添!

呢本以櫻花做主題嘅寫真集,雖然性感相欠奉,但就勝在美感十足!喺寫真集入面,Baby分別換上不同嘅清新妝容同打扮,有啲似學生妹,有啲就勁Lady,不過無論咩打扮,都係顏值爆燈。

而寫真集大部份嘅拍攝景點,都係喺布滿櫻花嘅地方,而Baby就好識得就地取材,將啲櫻花放入口做道具,增添仙氣之餘亦極盡誘惑。