洪永城冇嬲馬明 詩詠：佢淨係理佢自己
20160428
東網電視
更多新聞短片
詩詠話洪永城（最右）冇嬲佢同馬明「去camping」，仲話知道有馬明照顧佢好開心！
近期成為城中熱話的唐詩詠，以露臍裝現身將軍澳，宣傳劇集《廉政行動2016》，詩詠在早前播出的節目《有乜好過去camping–德國篇》中被指「禾桿冚珍珠」，網民們發現她原來是有料之人！詩詠聞言笑說：「嗰日着橫間，加上有運動開，條腰夠幼先畀到大家錯覺！」
幫馬明搵女友
談到與馬國明（馬明）再合作節目獲大讚，網上更出現票選「揀洪永城定馬國明？」，詩詠就表示對馬明好抱歉：「又搞到佢呀？唔好意思呀！Tony（洪永城）佢冇乜嘢，佢知道節目有馬明，有馬明照顧我，佢都好開心。（有指馬明叫你要小心啲揀人？）唔使佢提，我自己會揀，啲阿哥都冇乜意見，馬明佢好好，大家都想幫佢搵女友！（介紹畀佢？）搵緊，佢都有要求，要做到件事好自然先得，驚佢會尷尬，要自然到兩個人都唔知係刻意安排先得。」
洪永城唔理緋聞
問到洪永城可會嬲豬？詩詠表示：「唔嬲，佢套《古巴》收得，點會講呢啲嘢呀佢，佢淨係理佢自己咋嘛！（Tony呷醋？）做嘢啫，呢啲報道成日有，唔會着眼，笑一笑算。」
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：